ഫേസ്ബുക്കാണ് ലോകത്തിന്റെ സ്പന്ദനമെന്ന് കരുതുന്ന ന്യൂജനറേഷന്, ഫ്രീക്ക് പിള്ളേര്ക്ക് ഒരു സന്തോഷ വാര്ത്ത. നിങ്ങളുടെ ഫേസ്ബുക്ക് സുഹൃത്തുക്കള്ക്ക് ഇന്ന് ഡോളറിന്റെ വിലയാണ്. അവരോടു നിങ്ങള് നന്ദി പറയണം. കാരണം മറ്റൊന്നുമല്ല, നിങ്ങള്ക്ക് ഫേസ്ബുക്കില് ആയിരക്കണക്കിന് സുഹൃത്തുക്കളുണ്ടോ ? എങ്കില് യൂറോപ്പിലെ ഒരു ആഢംബര ഹോട്ടലില് ഏഴു രാത്രികള് സൗജന്യമായി താമസിക്കാന് അവസരമൊരുങ്ങുന്നു. സ്റ്റോക്ക്ഹോമിലെ നോര്ഡിക് ലൈറ്റ് ഹോട്ടലാണ് വാഗ്ദാനവുമായി രംഗത്തെത്തിയിരിക്കുന്നത്. സാധാരണ അതിഥികളില് നിന്നു 230 പൌണ്ട് ഒരു രാത്രിക്ക് വിലയിടുന്ന മുറിയാണ് നിങ്ങള്ക്ക് സൗജന്യമായി ലഭിക്കുന്നത്. ഇന്സ്റ്റഗ്രാമില് ഒരു ലക്ഷം ഫോളോവേഴ്സുണ്ടോ ? അങ്ങനെ എങ്കിലും നിങ്ങള്ക്ക് ഇവിടെ റൂം സൗജന്യം തന്നെ. ഫേസ്ബുക്ക് സുഹൃത്തുക്കളുടെ എണ്ണത്തിനനുസരിച്ച് ഇവിടെ ഇളവുകളുമുണ്ട്. 500 സുഹൃത്തുക്കളെ ഫേസ്ബുക്കില് സമ്പാദിച്ചവര്ക്ക് ഈ ഹോട്ടലില് റൂമിന് 5 ശതമാനം ഇളവ് അനുവദിക്കും. അത് ആയിരം സുഹൃത്തുക്കളാണെങ്കില് 10 ശതമാനവും 1500 എങ്കില് 15 ശതമാനവും 2000 സുഹൃത്തുക്കളെങ്കില് നൂറു ശതമാനം സൗജന്യമായി ലഭിക്കും. സോഷ്യല്നെറ്റ്വര്ക്കിങ് സൈറ്റുകളുടെ സ്വാധീനം മുതലെടുക്കാന് ബിസിനസ് വമ്പന്മാര് തന്ത്രങ്ങള് മെനയുമ്പോള്, സ്റ്റോക്ക്ഹോമിലേക്ക് ഇന്റര്നെറ്റിലെ സെലിബ്രിറ്റികള്ക്ക് ധൈര്യമായി ടിക്കറ്റെടുക്കാം.
No comments:
Post a Comment