ന്യൂഡല്ഹി: യു.എസ് പ്രസിഡന്റ് ബരാക് ഒബാമയുടെും ഭാര്യ മിഷേലിന്റെയും സാന്നിധ്യത്തില് ഇന്ത്യ 66-മത് റിപ്പബ്ലിക് ദിനംആഘോഷിച്ചു. ഇന്ത്യയുടെ വൈവിധ്യമാര്ന്ന സംസ്കാരത്തനിമ ഒബാമയെ വിസ്മയിപ്പിച്ചു.
രാവിലെ 10 മണിക്ക് ഔദ്യോഗികവാഹനമായ ബീസ്റ്റിലാണ് ഒബാമയും ഭാര്യയും ചടങ്ങിന് സാക്ഷ്യം വഹിക്കാനെത്തിയത്. പ്രധാനമന്ത്രി നരേന്ദ്രമോദി അദ്ദേഹത്തെ സ്വീകരിച്ചു. തുടര്ന്ന് ഇന്ത്യന് സൈന്യത്തിന്റെ പരമോന്നത നേതാവായ രാഷ്ട്രപതി പ്രണബ് മുഖര്ജി എത്തി. വിശിഷ്ടാതിഥികള് പ്രത്യേകം തയാറാക്കിയ സ്റ്റേജില് ഉപവിഷ്ടരായി.
രാജ്യത്തിന്റെ പരമോന്നത സൈനിക ബഹുമതിയായ അശോകചക്ര മരണാനന്തര ബഹുമതിയായി നായിക് നീരജ് കുമാര് സിങ്ങിനും മേജര് മുകുന്ദ് വരദരാജനും സമര്പ്പിച്ചു. രാഷ്ട്രപതിയുടെ പക്കല് നിന്ന് ഇരുവരുടെയും ഭാര്യമാരാണ് ബഹുമതി ഏറ്റുവാങ്ങിയത്.
തുടര്ന്ന് വിവിധ സൈനിക വിഭാഗങ്ങളുടെ പരേഡ് നടന്നു. രാഷ്ട്രപതി സല്യൂട്ട് സ്വീകരിച്ചു. രാജ്പഥില് കൂടി സഞ്ചരിച്ച് ചരിത്ര പ്രസിദ്ധമായ ചെങ്കോട്ടയിലാണ് പരേഡ് അവസാനിച്ചത്. അതിനുശേഷം ഇന്ത്യയുടെ സാംസ്കാരികവൈവിധ്യം എടുത്തുകാട്ടുന്ന വിവിധ പ്ലോട്ടുകളുടെ ഘോഷയാത്രയും ആഘോഷങ്ങളും അരങ്ങേറി.
റിപ്പബ്ലിക് ചടങ്ങിന് സാക്ഷ്യം വഹിക്കുന്ന ആദ്യ യു.എസ് പ്രസിഡന്റാണ് ഒബാമ. ഭരണഘടന നിലവില് വന്ന് പരമോന്നത റിപ്പബ്ലിക് ആയതിന്റെ ഓര്മ പുതുക്കലാണ് റിപ്പബ്ലിക് ദിനാഘോഷം.
No comments:
Post a Comment